عودت زينب وتشچي امصابها=الگمر هاشمها الكفلها وجابها ردت امن اليسر لاچن بالحزن=وبدمع عالخد يهل شبه المزن ومن تون لونتها الدنيه تون=وابد ما يبره ويطيب اصوابها ردت وتشچي هضمها للچفيل=ابنوح وبعبرات وبمدمع يسيل شوف حال اختك يبن حامي الدخيل=واسمع امن اختك يخويها اعتابها من طحت ياخويه فوگ العلگمي=عليه حرگوا ياچفيلي امخيمي صوت ما عندي احشم بالومي=النار لعنان السمه لهابها وعفت اخوتي فوگ رمضاء الهجير=والظعن طوح الحادي بالمسير بيمن اتحشم وبيمن تستجير=صرعه اهلها الصده أيرد اجوابها ومن احشمكم يجاوبني الصده=شرد اسولف بالجره عليه وسده وصلت للكوفه وشفتها امعيده=النسه وشباب وطفلها وشابها وطبتي القصر الاماره شلون حال=اطفال مرعوبه وتخاف من الخيال راح من زينب خدرها والدلال=لن يسيره ومحد اللي أيهابها ما توطنه گطعنه افجوج بيد=والتسوگ الظعن موساده عبيد وصلنه للشام ولگينه چم يزيد=محنيها ايديها وتفتخر بخابها يارزيه اللي اسولفها وتهون=ويامصيبه الماتهل الها العيون والجره ابحال الحرم يدمي الجفون=وحگ چفك يبن داحي بابها ياگمر هاشم يعنوان الفخر=اشلون عثره الدهر ويه اختك عثر اخذ منها ابكربله سبعه وعشر=ونيف والسبعين من اصحابها والجره ابحال الزلم ساحة الكون=زلم يبن المرتضى ويمكن يهون لاچن اطفال وتهل منها العيون=وما رحمها بالسلب سلابها