اه ينبلة حرمله اشسويتي = شمعه من آل النبي طفيتي اه ينبلة حرمله امردتي الگلب=وصار من عيني دمع عيني يصب لون تدرين اشذبحتي بالحرب=لعد نحر المصطفى ذبحيتي اه ينبلة حرمله امردتي الدليل=وصار من عيني دمع عيني يسيل عالرضيع الماروه منه الغليل=نبله وبنحر الطفل مخطيتي آه ينبلة حرمله اذبحتي رضيع=جده بيوم الحشر هو الشفيع ابد ما ينغفر ذنبچ ما يضيع=بكل گلب مسلم هضم خليتي آه ينبله حرمله اذبحتي طفل=چبد لحسين وعليه دمعه يهل لون تدرين اشگطعتي من نسل=چا عليه دم من دمع هليتي آه ينبله حرمله سهمچ مضه=بگلب چبد المصطفه والمرتضى الحزن عبد الله حزن حته الفضه=والگلب عمه الحسن مرديتي آه ينبلة الصبتي چبدة فاطمه=ذبحتي عبدالله اليلوج امن الظمه شنهي ذنبه وليش بالنبله انرمه=صبتي چبدة فاطمه مدريتي آه ينبلة حرمله اصوابچ اصواب=ابد ما يبرد لعد يوم الحساب الويل ويلچ آه ينبله من العذاب=الگلب آل المصطفى ادميتي آه ينبلة حرمله شنهو العذر=من ابوه وجده ابيوم الحشر فجعتي جده المرتضى وام الطهر=من العبدالله الرضيع ارميتي آه ينبلة حرمله اشذنب الرضيع=عوض صدر امه يتروه بالنجيع ما حسبتي حساب لن ذنبچ يشيع=شعظم ذنبچ يارزيه اجنيتي آه ينبلة حرمله اگطعتي النحور=ابكربله وادميتي يانبله الصدور باقي ذنبچ ينحچه ابمر الدهور=بسبب ذنبچ للجحيم اهويتي آه ينبلة حرمله اطفيتي الضوه=الگمر هاشمها الحمل بيده اللوه والعبد الله ابن الحسن حين انتوه=الحضن عمه وليش مارحميتي