گظينه الواجب المرسوم= ولرض الطف تعنينه گصدنه انزور ابو اليمه= حبه فخر يكفينه گصدنه بشوگ وبلهفه =نزورك يبن حامي الجار حبك شرف صار النه =ياحامي لوه الاحرار يالبدمك حييت الدين =يبن المرتضى الكرار يلي حافظت هل الدين =واحكامه وقوانينه يبن حيدر الك وگفه= وبيها شاد هذا الدين وهذي ثورتك لليوم= صداها بعالم التكوين وگبرك كعبه للعالم =يظل بگلوبنه يحسين مأتم واحنه لمصابك =واحدنه تهل عينه يومك ما شبيهه يوم= بقه خالد مع الايام ودمك يبن سيد الكون =بيه اتشيد الإسلام وحزنك ياحليف الزود =ابگلبنه انجدده بكل عام يعطشان شا لك تاريخ= بيه الفخر يكفينه من مثلك ابهذا الكون= ضحه ابروحه ورجاله ومنهو لجل هذا الدين= ضحه ابسبية اعياله وحين البي گضوا گومه= رد او قدم اطفاله وتاريخك يبو الاحرار =بگت تزهر عناوينه