يحسين منعوفك=ابد لو كطعونه عهد ونضل يا سيدي=شما حاربونه حبك شعاري .. وبيه افتخاري .. عهد ونضل يا سيدي=شما حاربونه يا حسين الناس منهه=سلكت ادروب الغوايه واحنه باسمك يابو=الاكبر نسلك ادروب الهدايه اعداك كلما حاربتنه=مانعوفك للنهايه يبن البتول الطاهره .. صرختنه بسمك هادره .. يا فلك رحمه ومبحره=يحسين يا خير البرايا خل تسمع اصحاب ال=حقد من عدنه هالصوت لابن الوديعه فاطمه=منعوفه للموت حسين اختياري .. وبيه افتخاري .. عهد ونضل يا سيدي=شما حاربونه حسين للعالم سبيله=صار منهاج السعاده ومصدر التشريع ذاته=اتكاملت بيها القياده العقول المستنيره عن=وعي ودين واراده تبعت النهج المقدس .. وبيه كل ثائر تمترس .. للشعوب اصبح يُدرس=وتستضي بضيه ورشاده باب النجاة الواسعه=وبسمه الفلك دار حسين العقيده الثائره=ومنهاج الاحرار اعلن قراري .. وبيه افتخاري .. عهد ونضل يا سيدي=شما حاربونه سيدي غرس الديانه=بدمك الطاهر رويته ومن تجبر آل اميه=وزيفها الكافر حميته رادو يطفون نوره=لكن بنحرك حييته يل نهضتك نهضة مجد .. انته السند والمعتقد .. وعليك دين الله استند=ومن عطائك ذاع صيته لولاك ما ضل الشرع=وما ضلت احكام وجاردت الوادم=ورى تعبد للأصنام طفك مساري .. وبيه افتخاري .. عهد ونضل يا سيدي=شما حاربونه منو مثل حسين ضحه=بدمه من اجل العقيده وشيد علوم الرساله=بفيض عبد الله ووريده انطه جاسم انطه الاكبر=انطه بو فاضل عضيده ما مثله ثائر بالخلك .. قاد المجد صوب الفلك .. يحسين والله بس الك=نتّبع يبن الصميده للموت نبقه عله=العهد يبن الزجيه رغم الطغاة الجائره=واتباع اميه كبرك مزاري .. وبيه افتخاري .. عهد ونضل يا سيدي=شما حاربونه هذا عباس بصموده=يتضح معنى المآثر ولشباب الدين جاسم=ويه الاكبر صوت هادر وزينب المحد مثلها=قدوه صارت للحراير واهل المجد والمرجله .. انصاره المستبسله .. صارو مشاعل كربله=تضوي لاصحاب الضماير والطف تجسد واقعه=بالشيعه هاليوم منها عله حبك سيدي=تتفايض دموم ودمي انتصاري .. وبيه افتخاري .. عهد ونضل يا سيدي=شما حاربونه