عَلِي بْنَ مُوسَى الرِّضَا=نُورَهْ عَلَى الْكُونِ أَضَا حَفِيدِ الِى الْمُرْتَضَى هَاللَّيلَة مِيلَادَهْ إِحْدَعَشْ ذِي الْقِعْدَة يُومِ=الْفَرَحْ وِالْبَهْجَة لِلشِّيعَة ثَامِنِ الْيِمَّة سَطَعْ نُورَهْ=عَلَى الدِّنْيَه الْوَسِيعَة وِالْمَلَائِكْ فِي السَّمَا=وِالْحُورْ فَرْحَانَه اِبْطُلُوعَه وِلَطْيَارِ اِتْغَنِّي وَصْدَاهَا=تِرَدَّدْهَا الطَّبِيعَة وِالْأَفْئِدَة النَّابِضَة=حُبُّ وْوَلَا فَاِئضَة لَجِلْ إِمَامِي الرِّضَا هَاللَّيلَة مِيلَادَه أُمَّهْ تَكْتُمْ ذَاتْ شَانُ=وْمَنْزِلَة عُظْمَى وْمَكَانَه وْوَالِدَهْ مُوسَى الْكَاظِمْ=مِنْ رَفَعْ شَأْنِ الدِّيَانَة وِخْتَهِ الْمَعْصُومَة فَاطِمْ=رَمْزِ اِلَى الْعِفَّة الْمُصَانَة جَمَّعِ اَطْرَافِ الْمَجِدْ=حَيثَ اِنَّه لِلدِّينِ الضَّمَانَة مُنْقِذْ إِلَى الِّلي ارْتَضَى=مِنْ شَرْ حَرِيقِ اللَّظَى هَذَا الْإِمَامِ الرِّضَا هَاللَّيلِة مِيلَادَه مُعْجِزَاتَهْ أَبْهَرَتْ=أَلْبَابْ كِلِّ أَهْلِ الْعِنَادِ وِالْفَضَايِلْ شَعْ خَبَرْهَا=اِبْكُلْ بُقْعَة وْكُلِّ وَادِي حَتَّى لَلْيُومْ اِبْضَرِيحَه=يِقْضِي حَاجَاتِ الْعِبَادِ لَجِلْ هَذَا إِرْتِضَاهْ=الِّلي يِوَالِي وِلْيِعَادِي إِلْحَبَّه وِالِّلي اِبْغَضَه=وَافَقْ عَلَيهُ وْرَضَى مِنْ هُذَا سُمِّي الرِّضَا هَالَّليلَة مِيلَادَه عَلْگُوا الزِّينَة هَالَّليلَة=فِي الْمَضَايِفْ وِالْمَآتِمْ وِانْشِدُوا الْجَلْوَاتِ اُوغَنُّوا=لَجْلِ اِبِنْ مُوسَى الْكَاظِمْ وَزْعُوا سُوهَانْ اُوعَصَايِرْ=خَلْ يِشَاهَدْنَا الْعَالَمْ أَحْيُو أَمْرِ الْآلْ هَذِي=اِوْصِيَّةِ السَّيِّدِ الْعَالِمْ خَلِّ الْفَرَحْ تِعْرِضَه=كُلْ قَنَوَاتْ الْفَضَا وْتِعْرُفْ مَقَامِ الرِّضَا هَاللَّيلَة مِيلَادَه رَبِّي اِبْجَاهِ الْإِمَامِ=الثَّامِنِ الْضَّامِنْ الْجَنَّة إِغْفِرْ اِلْنَا وْشَافِي كِلْ=مَنْ لِلْمُعَافَاةِ اِيْتِمَنَّى وِارْزِگِ الْمَحْرُومْ فَضْلَكْ=إِنْتَه ذُو الرَّحْمِة وِالْمِنَّة وِانْصِرِ الْإِسْلَامْ ضِدْ كُلْ=طَاغِي بَاغِي وْكُلِّ فِتْنَة وِالدَّوْلَةِ النَّاهِضَة=أُو سَيفَكَ الْمُنْتَضَى نَجْلِ الْإِمَامِ الرِّضَا هَالَّليلَة مِيلَادَه عَلِي بْنَ مُوسَى الرِّضَا=نُورَهْ عَلَى الْكُونِ أَضَا حَفِيدِ الِى الْمُرْتَضَى هَاللَّيلَة مِيلَادَهْ