جسام يَبني يَبني=بعد الصار صوبني و مصابك بلب الﮕللب ﭼاويني عريس يَبني و من دماك خضابك مثل الأﭼفان مفصلين ثيابك و بوسط ﮔللبي ماتمك و مصابك محروم يَبني من الفرح و أحبابك هالحال فتني فتني=يا مهجتي و أبهضني ﮔرح جفوني من البﭽى و حاميني جسام يَبني يَبني=بعد الصار صوبني و مصابك بلب الﮕللب ﭼاويني يَبني عليك أصفج ندم راح براح و أذكرك مَتهنيت يَبني بالأفراح عني طمعت عوَدت مملي بجراح صوتي عليك من البﭽى يَبني باح يَبني الدهر دولبني=من بعد عزي ذلني باعد ياولدي بينك و ما بيني جسام يَبني يَبني=بعد الصار صوبني و مصابك بلب الﮕللب ﭼاويني بردي يا يمه بماي ﮔللبي اللهفان يمه ذبل عودي يا يمه عطشان لبسي علي يا يمه ثوب الأحزان و ذكريني لو شفتي زفاف الشبان يَبني حﭽيك أشعبني=يا مهجتي و مرمرني ما بيدي يَبني غير دمعة عيني جسام يَبني يَبني=بعد الصار صوبني و مصابك بلب الﮕللب ﭼاويني ونتك تبطلها تلفت مني الروح ما عندي يَبني دوا و أداوي الجروح ما أملك الا اللطم يَبني و النوح مكتوب هالجاري علينا باللوح باودعك ودعني=ﮔبل إنك تفارﮔني ياليت يَبني ﮔبل حينك حيني جسام يَبني يَبني=بعد الصار صوبني و مصابك بلب الﮕللب ﭼاويني